როდრიგო გოეშმა მანჩესტერ „სიტისთან“ დაპირისპირების წინ პრესკონფერენცია გამართა.

„ჩვენმა გუნდმა ჩემპიონთა ლიგის ჯგუფურ ეტაპზე რამდენიმე დაპირისპირება ჩააგდო, რის გამოც დავისაჯეთ და ახლა გამარჯვება გვჭირდება 1/8 ფინალში გასასვლელად.“

„ვფიქრობ, 15 ქულა ცოტა არ არის, მაგრამ არც საკმარისი იყო იმისთვის, რომ 8 საუკეთესო გუნდს შორის მოვხვედრილიყავით, ეს უკვე წარსულია და წინ უნდა ვიყუროთ.“

„კარგად ვიცით, რა ძალას ფლობს მანჩესტერული გრანდი, რა შეუძლია გვარდიოლას გუნდის შეტევის ხაზს და რამხელა რესურსი არის ესპანელი სპეციალისტის ხელში, მაგრამ ჩვენს ენთუზიაზმს და შემართებას ვერაფერი შეცვლის.“

„ცალსახად უნდა ითქვას, რომ შემადგენლობაში პრობლემები გვაქვს, თუმცა ვეცდებით, არსებული რესურსით სასურველი ანგარიშით დავაფიქსიროთ და განმეორებით დაპირისპირებას მშვიდად შევხვდეთ.“

„ის, რომ მეორე მატჩი ბერნაბეუზე იმართება ბევრს ნიშნავს, თუმცა ამისთვის მანჩესტერელებთან პირველ შეხვედრაში კარგი თამაში უნდა ვაჩვენოთ. ბერნაბეუ მართლაც მაგიურია, სადაც „რეალს“ ნებისმიერი შედეგის დაფიქსირება შეუძლია.“

„ჩვენი მენტალიტეტი არ შეცვლილა, ისევ ისეთი შემართებით ვითამაშებთ, როგორც შარშან. კარგად ვიცით, რა რთულია „სიტის“ არენაზე გამოსვლა და სასურველი შედეგის დაფიქსირება.“

„მზად ვარ, გუნდს დავეხმარო როგორც შეტევაში, ასევე დაცვაში. გვარდიოლას გუნდთან დაპირისპირება ყოველთვის განსაკუთრებულ ენერგიას და მობილურობას მოითხოვს.“

„„ატლეტიკოსთან“ დაპირისპირებაში დიდი ენერგია დავხარჯეთ, მაგრამ ეს არაფერს ცვლის. „სიტისთან“ დაპირისპირებაში ყველა მოთამაშე 100%-ით გამოირჩევა. როგორც დერბიში, ასევე „ეტიჰადზე“ დაცვაში ყურადღება გვმართებს.“

„რა თქმა უნდა, არასდროს დამავიწყდება მატჩი, როდესაც მანჩესტერულ კლუბს 2 გოლი გავუტანე და ჩვენ საოცარი თამაში შემოვატრიალეთ.“

„მუშაობას არასდროს ვწყვეტ და ვცდილობ, საუკეთესო ვერსია ვაჩვენო. ანჩელოტი მაქსიმალურად მეხმარება, იტალიელი სპეციალისტი თითოეულ ფეხბურთელს ბევრს ესაუბრება.“

„„სიტის“ ინტერესი? ეს მამაჩემს უნდა ჰკითხოთ, რადგან მსგავს საკითხებში არ ვერთვები. აქვე შემიძლია გითხრათ, რომ ჩემი ოცნება „რეალში“ რაც შეიძლება დიდხანს თამაში და ტიტულების მოგებაა.“

„პოზიციების ცვლილება? თავდასხმის ხაზში მოთამაშეები ხშირად იცვლიან პოზიციას.“

„მთელი ბავშვობის მანძილზე მარცხენა ფლანგიდან ვთამაშობდი, სწორედ ამიტომ ბუნებრივია, რომ ამ პოზიციაზე ეფექტური გამოსვლა შემიძლია. ამ ეტაპზე ყველგან ვთამაშობ, სადაც ანჩელოტი დამავალებს.“

„პეპ გვარდიოლა მაღალი დონის პროფესიონალია. მისი გაწვრთნილი გუნდები ყოველთვის ეფექტურ ფეხბურთს თამაშობენ.“

„„სიტისთან“ თამაში არ მომწონს. ეს არ არის დასამალი, ვინაიდან ამ გუნდთან დაპირისპირება არნახულ ენერგიას, რესურსს და ფსიქოლოგიურ მზაობას მოითხოვს.“

„ინტერესი საუდის არაბეთიდან? როგორც გითხარით, ამ საკითხებზე მამაჩემს უნდა ესაუბროთ, მე არაფერი ვიცი.“