„ეტიჰადზე“ ვიზიტი მადრიდის „რეალისთვის“ მნიშვნელოვანია, მაგრამ კარლო ანჩელოტის შეგირდებს სიფრთხილე მართებთ.

ჯუდ ბელინგემი, ორელიან ჩუამენი, ედუარდო კამავინგა, ლუკა მოდრიჩი და ენდრიკ ფელიპე დისკვალიფიკაციის ზღვარზე არიან.

ხუთივე მოთამაშეს ყვითელი ბარათი აქვს მიღებული, რაც იმას ნიშნავს, რომ „ეტიჰადზე“ გაფრთხილების შემთხვევაში, ბერნაბეუზე გასამართ დაპირისპირებას გამოტოვებენ, ეს კი დამატებით პრობლემებს შექმნის.

განსაკუთრებული სიმშვიდე მართებს ჩუამენის, რომლის შემცვლელი გუნდის დაცვაში უკვე აღარ არსებობს და თუ ის გაფრთხილებას მიიღებს, დაცვის ცენტრში განმეორებით დაპირისპირებაში ჯაკობო რამონისა და რაულ ასენსიოს დუეტის ხილვა მოგვიწევს.