„ბარსელონამ“ „სევილია“ დამაჯარებლად დაამარცხა, ხოლო ესპანეთის ლა ლიგაში სიტუაცია ძალიან დაიძაბა. პირველადგილოსან „რეალს“ მეორეადგილოსან „ატლეტიკოსთან“ მხოლოდ 1 ქულიანი სხვაობა აქვს, მესამე პოზიციაზე მყოფი „ბარსელონა“ კი მხოლოდ 2 ქულით ჩამორჩება ლიდერს.

23-ე ტურის თავზე ცხრილის ზედა ნაწილში განსაკუთრებული სიმჭიდროვეა.

„რეალი“ 50 ქულით ლიდერობს, „ატლეტიკოს“ 49 ქულა აქვს, ხოლო „ბარსელონას“ 48.

ესპანელი ანალიტიკოსების აზრით, სანაკრებო პაუზამდე გამართულ შეხვედრებს დიდი მნიშვნელობა ექნება, თუმცა ფაქტი ის არის, რომ ტურნირი დაძაბულობას სეზონის ბოლომდე შეინარჩუნებს.