ლუკა მოდრიჩისთვის „დერბი დე მადრილენიო“, რომელიც გუშინ გაიმართა, ისტორიული გამოდგა.

ხორვატმა ფეხბურთელმა „ატლეტიკოს“ წინააღმდეგ მე-40 დაპირისპირება ჩაატარა. მსგავსი შედეგი ისტორიაში არაესპანელ ფეხბურთელს არ ჰქონია.

აქამდე მოდრიჩს და კარიმ ბენზემას იდენტური შედეგები ჰქონდათ და 39-39 მატჩით იწონებდნენ თავს, ახლა კი ლუკიტა აბსოლუტური რეკორდსმენია.

მესამე ადგილზე ტონი კროოსი გახლავთ 33 მატჩით, მეოთხეზე იან ობლაკი 32 შეხვედრით, ხოლო მეხუთეზე კრიშტიანო რონალდუ და ანტუან გრიზმანი 31-31 დაპირისპირებით.