ესპანური გამოცემების ცნობით, „რეალის“ დირექტორთა საბჭო ფლორენტინო პერესს მოუწოდებს, რაულ ასენსიოს რაც შეიძლება სწრაფად გაუხანგრძლივოს კონტრაქტი.

ესპანელმა ფეხბურთელმა მადრიდულ დერბიშიც დაამტკიცა, რომ უდიდესი მომავალი აქვს და სამეფო კლუბმა მასზე გათვლა უნდა გააკეთოს.

დირექტორთა საბჭო ასევე მოუწოდებს კარლო ანჩელოტის, ესპანელი მცველი მაქსიმალურად დატვირთოს.

ასენსიოს აქვს კარგი პოზიციონირება, სისწრაფე, ასევე ეფექტურია მეორე სართულზე, ის ნამდვილი აღმოჩენაა და ახალ ხელშეკრულებას იმსახურებს.

ამ სეზონში რაულმა უკვე 10-ზე მეტ დაპირისპირებაში მიიღო მონაწილეობა და ყველა შემთხვევაში მოწოდების სიმაღლეზე იდგა.

არსებული ცნობით, „რეალი“ ესპანელს პირველ ეტაპზე 4 წლიან ხელშეკრულებას შესთავაზებს, სადაც ფეხბურთელის ხელფასი დაახლოებით 2 მილიონ ევრომდე გაიზრდება.