პეჯა მიატოვიჩმა მოახლოებულ დერბიზე, მსაჯების და „რეალის“ პრობლემებზე, ლა ლიგაში არსებულ სიტუაცისა და ფავორიტებზე ისაუბრა.

„ლა ლიგის ამ ეტაპზე იქმნება ხოლმე მომენტი, როდესაც საჩემპიონო ბრძოლაში მხოლოდ 2 გუნდია ჩართული, მაგრამ ამ სეზონში სრულიად განსხვავებული მოცემულობა გვაქვს. წელს ჩემპიონობა შეუძლია როგორც „რეალს“, ასევე „ატლეტიკოს“ და „ბარსელონას“, სწორედ ამიტომ, ბრძოლა დიდხანს გაგრძელდება.“

„მსაჯების კრიტიკა არ მომწონს, ეს არ არის სწორი ნაბიჯები, თუმცა მეც ვხედავ, რომ გარკვეული ხარვეზები ნამდვილად არსებობს.“

„დარწმუნებული ვარ, თქვენ მკითხავთ, რისთვის არსებობს VAR ტექნოლოგია, თუ ადამიანური შეცდომები იქაც დაშვებადი ხდება? ამაზეც გიპასუხებთ, რომ აქაც ადამიანური ფაქტორია.“

„მე ვფიქრობ, რომ „რეალმა“ არა მსაჯებზე, არამედ შემადგენლობაზე უნდა იზრუნოს, რადგან ამ გუნდს აშკარა პრობლემები აქვს.“

„ის, რომ დღეს „რეალის“ დაცვაში კატასტროფული სიტუაციაა შექმნილი, მხოლოდ არასწორი სატრანსფერო მენეჯმენტის ბრალია. უკვე დიდი ხანია ჩანს, რომ მადრიდელებს სჭირდებათ მაღალი კლასის ფლანგის მცველები, ასევე მინიმუმ ერთი ცენტრალური მცველი და ასე შემდეგ.“

„არ ვიცი, რა იქნება 2025 წლის ზაფხულში, თუმცა თუ „რეალი“ არ გააქტიურდება, ის დაკარგავს საოცარ რესურსს, რომელიც შეტევაში არსებობს და გამოყენებადი მხოლოდ იმის გამო არ არის, რომ გუნდს დაცვაში უჭირს და სრულფასოვნებას ვერ აღწევს.“