მას შემდეგ, რაც ალფონსო დეივისთან „რეალმა“ შეთანხმებას ვერ მიაღწია და კანადელი ფეხბურთელი ბუნდესლიგაში დარჩა, ფლორენტინო პერესის მთავარ პრიორიტეტად ტეო ერნანდესი გადაიქცა.

ესპანური გამოცემების ცნობით, განაპირა მცველის სანაცვლოდ მადრიდული გრანდი 50 მილიონი ევროს გადახდას აპირებს. პრეზიდენტი მიიჩნევს, რომ მომდევნო სეზონში გუნდის ფლანგები მნიშვნელოვნად უნდა იქნას გაძლიერებული, სწორედ ამიტომ, ფინანსური რესურსის გაღება აუცილებელია.

ტეოს მადრიდში თამაშის გამოცდილება აქვს, თუმცა ტოპ ფეხბურთელად „მილანში“ იქცა და ესპანელთა ყურადღება ხელახლა მიიპყრო.

თუ მოთამაშესთან შეთანხმება შედგება, ის 6 წლით გახდება ბერნაბეუს ბინადარი.

რაც შეეხება ერნანდესის მიმდინარე ხელშეკრულებას, ამ შეთანხმებას ვადა 2026 წელს ეწურება, რაც „რეალს“ საშუალებას აძლევს, „როსონერი“ უფრო მარტივად დაიყოლიოს მოლაპარაკებებზე.