კილიან მბაპემ მადრიდის „რეალის“ ოფიციალურ ვებ-გვერდთან ინტერვიუ ჩაწერა.

„„ატლეტიკოსთან“ დაპირისპირებას მოუთმენლად ველი. ეს არ არის რიგითი დერბი, ამ მატჩის სატურნირო თვალსაზრისით დიდი მნიშვნელობა ენიჭება.“

„მიზანი ყოველთვის ერთია და ამას გამარჯვება ჰქვია. ჩვენ ვიცით, რამხელა სირთულეებთან არის დაკავშირებული სიმეონეს გუნდის დამარცხება, თუმცა ვიაზრებთ, ასევე რამხელა მნიშვნელობა აქვს ამ 3 ქულას ცხრილში.“

„საჭმელი, რისი ჭამაც ყველაზე მეტად მინდოდა ბავშვობაში? სიმართლე გითხრათ,  საერთოდ არაფრის ჭამა არ მინდოდა.“ (იცინის)

„ფეხბურთელი რომ არ გამოვსულიყავი, ალბათ კალათბურთს ვითამაშებდი.“

„NBA ძალიან მიყვარს და ბევრ მატჩს ვადევნებ თვალს.“

„ციფრებზე საუბარი არ მიყვარს. ჩემთვის მთავარი რაც შეიძლება ბევრი გოლის გატანა და გუნდის დახმარებაა. მადრიდში ადაპტაცია მარტივად გავიარე, აქ საოცარი გარემოა.“

„ჩვენ ახლა ძალიან რთული კალენდარი გვაქვს, ამიტომ სახლში ყოფნას ვერ ვახერხებ. როდესაც ამის შესაძლებლობა არსებობს, მაქსიმალურად ვცდილობ, დავისვენო და ენერგია აღვიდგინო.“