ჩოლო სიმეონემ მადრიდული დერბის წინ პრესკონფერენცია გამართა.

„მადრიდის „რეალთან“ დაპირისპირებას დიდ მნიშვნელობას ვანიჭებთ. ჩვენთვის ეს არის კარგი შანსი იმისა, რომ პირველ ადგილზე გადავიდეთ და ანჩელოტის კოლექტივს 2 ქულით გავასწროთ. მოტივაცია ძალიან დიდია, როგორც ერთ, ასევე მეორე კლუბში.“

„ჩემი ხედვით, ლა ლიგის მოგებისთვის ბრძოლა ბოლო ტურამდე გაგრძელდება. თავიდანვე გამოიკვეთა ტენდენცია, რომლის მიხედვითაც, ჩემპიონობაზე პრეტენზიას 3 კლუბი გამოაცხადებდა.“

„დიდი მნიშვნელობა აქვს, როგორც დერბიში დაფიქსირებულ შედეგებს, ასევე „ელ კლასიკოს“ და ასე შემდეგ.“

„სოტო გრადო? არ მაინტერესებს, როგორ გამოვა მოედანზე მსაჯი, ჩემი ინტერესი „ატლეტიკოს“ ფეხბურთელების მოწოდების სიმაღლეზე დგომაა.“

„ის, რომ ბერნაბეუს პუბლიკა „რეალს“ მცირე უპირატესობას აძლევს ფაქტია, მაგრამ ჩვენ ამ არენაზე არაერთხელ მოგვიგია.“

„მივიჩნევ, რომ ამ ეტაპზე ყველაზე სახიფათოდ მბაპე თამაშობს, სწორედ ამიტომ, ჩემს მცველებს განსაკუთრებული ყურადღების გამოჩენა ფრანგის მიმართ მართებთ.“

„მადრიდელთა დავას მსაჯთა კოლეგიის მიმართ შეფასების გარეშე დავტოვებ, ახლა ამაზე საუბრის დროს ვერ ვხედავ.“

„ანჩელოტი? არაერთხელ დამიფიქსირებია დიდი პატივისცემა, რომელიც იტალიელი სპეციალისტის მიმართ მაქვს. კარლო არის ეპოქალური სპეციალისტი, რომელსაც ევროპის ყველა წერტილში აქვს წარმატება დაფიქსირებული.“

„სორლოტის ფაქტორი ძალიან დიდია. ჩვენ მისი სახით დიდი ფორვარდი გვყავს. უნდა აღინიშნოს, რომ მას ნებისმიერი მომენტის გამწვავება და გოლად გარდაქმნა შეუძლია.“

„ნახევარდაცვის რგოლი ზუსტი და მწყობრი თამაში მნიშვნელოვანი იქნება. ჩვენ ვიცით, რომ 95-96 წუთის განმავლობაში არცერთი წამით არ უნდა მოვდუნდეთ.“