კარლო ანჩელოტიმ მადრიდული დერბის წინ პრესკონფერენცია გამართა.

„ეს თამაში ძალიან დიდ მნიშვნელობას იძენს, როგორც ერთი, ასევე მეორე გუნდისთვის. ბერნაბეუზე ვასპარეზობთ და აუცილებელია, რომ გავიმარჯვოთ და აქტივში 3 ქულა ჩავიწეროთ.“

„არ ვართ ბედნიერები იმით, რომ ხან სისტემის ცვლილება გვიწევს, ხანაც ფეხბურთელების. ამ ეტაპზე დაცვაში სერიოზული პრობლემები გვაქვს, ჩვენს ამოცანას კი არსებული რესურსის სრულფასოვნად ათვისება წარმოადგენს.“

„ლუკას ვასკესი და კამავინგა ხელმისაწვდომები არიან, ამ მხრივ პრობლემა არ გვაქვს. ფრანგის რეაბილიტაციამ 1 თვეს გასტანა.“

„არ ვფიქრობ, რომ შეტევაში რამე პრობლემა გვაქვს. ახლა ჩვენი მთელი ყურადღება დაცვაზეა გადატანილი.“

„ჯერ დავკარგეთ დანიელ კარვახალი, შემდეგ მილიტაო. ეს მთელი სეზონის პრობლემა იყო. ახლა დაცვაში ვეღარ გვეხმარებიან რუდიგერი და ალაბა. რა ჰქვია ამას თუ არა ტოტალური პრობლემა? ეს ნამდვილად ასეა.“

„მბაპე კარგ ფორმაშია და დარწმუნებული ვარ, „ატლეტიკოს“ წინააღმდეგაც გამოიჩენს თავს.“

„მოდრიჩისა და ვინისიუსის საუბარის ინციდენტს ვერ ვუწოდებ. ბრაზილიელი ხორვატ ლეგენდას დიდ პატივს სცემს. მოდრიჩს რჩევის მიცემის უფლება არამხოლოდ ფეხბურთელებისთვის, არამედ ჩემთვისაც აქვს. არანაირი გაუგებრობა არ არსებობს. „რეალის“ გასახდელში სრული იდილიაა.“

„ფედე ვალვერდე არნახულ ენერგიას ფლობს და ყოველთვის მზად არის დასახმარებლად. გარკვეულ მომენტში ურუგვაელის დასვენებაც მოგვიწევს, რადგან ის სულ საქმეშია.“

„„ატლეტიკო“ ამ სეზონში განსხვავებულ ფეხბურთს თამაშობს. ვარჯიშზე მეტოქე შევაფასეთ, ვუყურეთ არაერთ ვიდეოს და განვიხილეთ ტაქტიკები, რითიც წარმატების მიღწევა შეიძლება.“

„სერხიო რამოსის 93 ნომერი? მე არ ვიცი, რატომ გააკეთა ეს, თუმცა ის დანამდვილებით ვიცი, რომ ძალიან დიდი მასშტაბის ფეხბურთელია. ის გახლავთ „რეალის“ ლეგენდა და ყველგან წარმატებებს ვუსურვებ.“

„როდრიგო გოეშს არნახული ხარისხი აქვს, ბოლო მატჩებში მისი მარგი ქმედების კოეფიციენტი კიდევ უფრო გაიზარდა.“

„ძალიან დაბალანსებული ფეხბურთი გვჭირდება. თუ ამას შევძლებთ „ატლეტიკოს“ დავამარცხებთ. აუცილებელია ქმედითი თამაში, როგორც უკანა, ასევე შუა და წინა რგოლში.“