ლუკა მოდრიჩს 30 ივნისს „რეალთან“ კონტრაქტი ეწურება. ხორვატი ფეხბურთელი ბერნაბეუზე დარჩენის პერსპექტივას განიხილავს.

მიუხედავად იმისა, რომ ლეგენდა ამ ეტაპზე სკამის ფეხბურთელად განიხილება, მოედანზე 1607 წუთი აქვს გატარებული.

საერთო ჯამში ყველა ტურნირზე ლუკიტამ 35 დაპირისპირებაში მიიღო მონაწილეობა.

ესპანური გამოცემების ცნობით, მადრიდის „რეალში“ ლუკიტასთან კონტრაქტის გახანგრძლივებაზე დიდი ხანია ფიქრობენ.

მიუხედავად ასაკისა, მოთამაშე მოწოდების სიმაღლეზე დგას. მის მიზანს 2026 წლის მუნდიალზე ასპარეზობა წარმოადგენს, ამისთვის კი „რეალში“ დარჩენა იდეალური გადაწყვეტილება იქნება.