არაერთი ავტორიტეტული გამოცემის ცნობით, „უეფა“ ჩემპიონთა ლიგის ფორმატში კიდევ ერთი მნიშვნელოვანი ცვლილების შეტანას გეგმავს.

ინფორმაცია ოფიციალურად არ დადასტურებულა, თუმცა უახლოეს მომავალში ყველაფერს ნათელი მოეფინება.

არსებული ცნობით, „უეფა“ აპირებს, რომ 1/8 ფინალში გასვლამდე გუნდების ორრაუნდიან ბრძოლაში დამატებითი დრო გააუქმოს.

თუ 90 წუთი გამარჯვებულს ვერ გამოავლენს, ყველაფერს თერთმეტმეტრიანების სერია გადაწყვეტს.

ამ ნაბიჯით „უეფა“ გუნდების პრეტენზიებს ითვალისწინებს, რომლის მიხედვითაც, ფეხბურთელებს არნახული დატვირთვების მიღება უწევთ.

გამომდინარე იქედან, რომ მომდევნო კვირაში ჩემპიონთა ლიგა ახლდება, გადაწყვეტილების შესახებ მალე უნდა გახდეს ცნობილი.