ესპანური გამოცემების ცნობით, მადრიდის „რეალის“ დღევანდელი ვარჯიშის წინ ლუკა მოდრიჩი და ვინისიუს ჟუნიორი კარლო ანჩელოტის ცალკე ესაუბრნენ.

საქმე ეხებოდა გუშინდელ გაუგებრობას, რომელიც ხორვატსა და ბრაზილიელს შორის მოხდა.

მოდრიჩმა ვინისიუსს შენიშვნა მისცა, რაც არამხოლოდ „ლეგანესთან“, არამედ „ესპანიოლთან“ შეხვედრის გამოძახილიც გახლდათ.

სოც.ქსელებში გავრცელდა არაერთი ვიდეომტკიცებულება იმისა, თუ როგორ მანიპულირებს ვინი და უკმაყოფილოა თანაგუნდელების ქმედებებით.

„პრეტენციებს და ტირილს თავი დაანებე, ითამაშე“-სწორედ ამ სიტყვებით მიმართა ლუკამ ვინისიუსს გუშინდელი მატჩის შემდეგ გასახდელში, რამაც ანჩელოტის უკმაყოფილება გამოიწვია.

არსებული ცნობით, დღევანდელი საუბარი სწორედ ამ ინციდენტს შეეხო და ყველაფერი ამოიწურა.