ხორხე ვალდანო ალფონსო დეივისის „ბაიერნში“ დარჩენას გამოეხმაურა და განაცხადა, რომ 2025 წელს „რეალს“ აქტიურობა მართებს.

„დროა, მადრიდში მიხვდნენ, რომ დაცვის ფლანგზე ტოპ მცველია საჭირო. დეივისი იდეალური ვარიანტი იქნებოდა, თუმცა ფაქტია, რომ კანადელმა ფეხბურთელმა ბუნდესლიგაში დარჩენის გადაწყვეტილება მიიღო.“

„ეფექტური ფლანგური რესურსი გუნდს შეტევაშიც ეხმარება. ის, რომ მენდი კარგი მცველია ყველამ იცის, მაგრამ „რეალს“ სჭირდება მარსელოს სტილის ფეხბურთელი, რომელიც საკუთარი სისწრაფისა და ტექნიკის წყალობით შეტევაშიც დიდ საქმეს აკეთებს.“

„დღეს „რეალში“ მარცხენა ფლანგი ყველაზე სუსტია და ამ საკითხს უნდა მიეხედოს.“