ანჩელოტი:„მბაპეც გამოგვაკლდა“
კარლო ანჩელოტიმ „ლეგანესთან“ მატჩის წინ პრესკონფერენცია გამართა.
„მსაჯების საკითხი? გარკვეულ მომენტებში ჩემი მრავლწლიანი გამოცდილებაც არ მიწყობს ხელს იმაში, რომ მათი ქმედებები შევაფასო. ამ საკითხზე საუბარს აღარ ვაპირებ.“
„ახლა საკმაოდ რთულ სიტუაციაში ვართ. დავიდ ალაბა „ლეგანესთან“ შეხვედრაში სასტარტო შემადგენლობაში განიხილებოდა, დღეს კი შევიტყვე, რომ ის ტრავმირებულია.“
„როგორც დავიდი, ასევე რუდიგერი 3 კვირაში დაბრუნდებიან, იქამდე კი ჩვენ „ატლეტიკოსთან“ და „სიტისთან“ ურთულესი შეხვედრების ჩატარება მოგვიწევს.“
„ვალვერდე ცენტრალურ მცველად? ამ საკითხს არ განვიხილავ. ჩვენ ცენტრში რაულ ასენსიოს, ორელიან ჩუამენისა და ჯაკობო რამონის იმედზე ვართ.“
„ორელიანი ტაქტიკურად განსწავლულია, რაც დაცვაში თამაშში ეხმარება. ის ნახევარმცველია და რა თქმა უნდა, ვერ იქნება ისეთივე ეფექტური ცენტრალურ მცველად, მაგრამ ახლა ფორს-მაჟორული სიტუაცია გვაქვს.“
„ჯუდი არ იქნება, ვინისიუსი კი ითამაშებს.“
„არ ვიცი, რომელ ქვეყანას ჰყავს ყველაზე მაღალი დონის მსაჯები, თუმცა ინგლისის პრემიერლიგას გამოვარჩევდი.“
„სამწუხაროდ, მბაპეც გამოგვაკლდა. ფრანგ ფეხბურთელს სისხლჩაქცევა აქვს და მოედანს გასვლა სარისკოა.“
„არის თუ არა რონალდუ ისტორიაში საუკეთესო? ეპოქაში, რომელშიც ის იღებდა მონაწილეობას, ნამდვილად საუკეთესო იყო, ის დიდ დახმარებას მიწევდა ყველა საქმეში.“
- დღეს, 16:07
- 551
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
