მადრიდის „რეალის“ ფეხბურთელებმა „ლა კოპას“ მატჩისთვის მზადება დაასრულეს.

აღსანიშნავია, რომ სესიაში მონაწილეობა არ მიუღიათ ჯუდ ბელინგემს და ვინისიუს ჟუნიორს. მაღალი ალბათობით, ისინი „ბუტარკეზე“ არ იასპარეზებენ.

გუნდს დაუბრუნდა ედუარდო კამავინგა და დღეს სრულფასოვანი დატვირთვა მიიღო, ფრანგს „ლა კოპას“ შეხვედრაში განაცხადში ელიან.

დავიდ ალაბა ხვალიდან აღდგენით პროცესს დაიწყებს, ანტონიო რუდიგერს კი ეს პროცესი უკვე დაწყებული აქვს.

სესიაზე დიდი ყურადღება დაეთმო ბურთის ფლობას, ტაქტიკურ მონახაზებს, პრესინგს, კარში დარტყმების კომპონენტს და სტანდარტულებს.

ვარჯიშზე რამდენიმე კასტილიელი იყო გამოძახებული, მათ შორის ჯაკობო რამონი, რომელიც დაცვაში ამხელა პრობლემების ფონზე, ანჩელოტის ნდობით აღჭურვილი პირი გახდება.