მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა.

მადრიდული გრანდის დირექტორთა საბჭო საბოლოოდ შეჯერდა საკითხზე, რომელის მიხედვითაც, ესპანეთის ფეხბურთის ფედერაციაში მორიგი ოფიციალური საჩივარი გადაიგზავნება.

საჩივრის ადრესატი ასევე იქნება უმაღლესი სპორტული საბჭო.

განხილვის თემაა „ესპანიოლსა“ და „რეალს“ შორის მომხდარი ფაქტები, სადაც როგორც შეხვედრის მთავარმა მსაჯმა, ასევე VAR-ზე მჯდომმა კოლეგიამ წარმოუდგენელი გადაწყვეტილებები მიიღო.

ამასთანავე ცნობილია, რომ კატალონიაში მომუშავე სამსაჯო კოლეგია საქმიანობას 1 თვით უკვე ჩამოაშორეს.