ვინისიუს ჟუნიორმა ძალიან ვრცელი და მრავლისმომცველი ინტერვიუ ჩაწერა, სადაც არაერთ საინტერესო საკითხზე ისაუბრა.

„მადრიდის „რეალში“ 18 წლის ასაკში მოვედი. დიდი ოცნებები მქონდა, მჯეროდა საკუთარი შესაძლებლობების, თუმცა იმასაც ვაცნობიერებდი, რომ დიდი შრომა მომიწევს. ოპტიმიზმი არასდროს დამიკარგავს, თუმცა რა თქმა უნდა, იყო რთული მომენტებიც. დრეს ამაყი ვარ, რადგან „რეალში“ 100 გოლიან ნიშნულს გადავაჭარბე, ეს ჩემთვის ძალიან საამაყო რიცხვია.“

„მადრიდის „რეალის“ მხოლოდ 23 ფეხბურთელს აქვს 100 და მეტი გოლი გატანილი, ეს ჩემთვის დიდი პატივია. რონალდოსგან ძალიან ბევრი რჩევა მივიღე, კიჭა ყოველმთვის მამხსნევებს.“

„კრიშტიანო? ის საოცარია, მან უფრო მეტი გოლი გაიტანა, ვიდრე თამაში ჩაატარა. პორტუგალიელის ანგარიშზე 451 გოლია და ამით ყველაფერი ნათქვამია. ვფიქრობ, ლეგენდამ საოცარი ეპოქა შექმნა.“

„არასდროს დამავიწყდება პირველი გოლი, რომელიც „რეალის“ მაისურით გავიტანე. მაშინ დავიმუხტე და უფრო მაღალ მწვერვალებზე დავიწყე ფიქრი.“

„ყველაზე ეფექტური გოლი? ახლა „ჟირონას“ კარის აღება გამახსენდა. რამდენჯერმე მართლაც ძალიან ეფექტურად შევძელი მეტოქის კარის აღება.“

„ბენზემასგან ძალიან ბევრი ვისწავლე. ფრანგთან დუეტმა ბევრი რამ მასწავლა. სამწუხაროა, რომ ერთად აღარ ვთამაშობთ, რადგან ახლა უფრო მეტად განვვითარდი და დარწმუნებული ვარ, „9“-იანთან ერთად უამრავ ტიტულს მოვიგებდი. ლეგენდის ანგარიშზე 354 გოლია, მან უდიდესი ეპოქა შექმნა და უამრავი ტიტული მოიგო.“

„მსურს, „ბლანკოსში“ ბევრი წელი გავატარო და შევძლო 200, 300 და კიდევ უფრო მეტი გოლის გატანა. ჩემი მოტივაცია უსაზღვროა.“

„საუდის არაბეთს პატივს ვცემ, თუმცა ჩემი ოცნება მსოფლიოს საუკეთესო კლუბის ღირსების დიდი ხნით დაცვაა.“

„მე-14 თასი? ეს პირველი ფინალი იყო, რომელიც აუცილებლად უნდა მომეგო. მაშინ „ლივერპულის“ კარში გოლი გავიტანე და გავიმარჯვეთ, ამით ყოველთვის ვიამაყებ.“

„ვერასდროს ვერავინ დაივიწყებს ღვაწლს, რომელიც რაულ გონსალეს ბლანკოს მადრიდის „რეალში“ აქვს გაღებული. 323 გოლი ყველაფერზე მეტყველებს, თუმცა გოლების რაოდენობაზე მეტად მისი ავტორიტეტია ხაზგასასმელი. ელ კაპიტანო „რეალის“ ბევრი ქომაგის კერპია.“

„„ეტიჰადზე“ გატანილი გოლი? დიახ, ძალიან ბევრი ვირბინე, მოვინდომე და მეტოქის კარი ავიღე. მაშინ იმ გოლის გატანას გადამწყვეტი მნიშვნელობა ჰქონდა.“

„„რეალში“ უკეთ თამაში ვისწავლე. მივხვდი, როგორ უნდა დამებალანსებინა ძალები, როგორც შევსულიყავი ფლანგიდან საჯარიმოში და ამეღო მეტოქის კარი. როგორც გითხარით, აქ 18 წლის ასაკში მოვედი, მას შემდეგ დიდი დრო გავიდა და მეც გავიზარდე.“

„ფლორენტინო პერესი გენიალური პრეზიდენტია, მის მხარდაჭერას ყოველთვის ვგრძნობ. მჯერა, რომ ის მომდევნო 4 წლის განმავლობაშიც ძალიან მაღალ დონეზე უხელმძღვანელებს მსოფლიოს საუკეთესო კლუბს. პერესმა შექმნა მყარი სტრუქტურა და ინსტრუმენტები, რომელიც როგორც საფეხბურთო, ასევე საკალათბურთო დონეზე დიდი წარმატების მომტანია.“

„დი სტეფანო? ის ლეგენდაა და მადრიდიზმის სიმბოლოს ნიშნავს. ვფიქრობ, ალფრედო მადრიდელი ქომაგებისთვის ყოველთვის სიმბოლო იქნება.“

„რონალდო ნაზარიო ჩემს პრეზენტაციას ესწრებოდა და მამხნევებდა, მან ჩემს ადაპტაციაში დიდი როლი ითამაშა. მადლობა ბრაზილიელს, რადგან ყოველთვის ვგრძნობდი მხარდაჭერას, როგორც ახლოდან, ასევე შორიდან.“

„პირი, ემილიო და სხვები... დიახ, ისინი ისტორიის შემქმენელები არიან.“