ემილიო ბუტრაგენიო ჩემპიონთა ლიგის წილიყრის შედეგებს გამოეხმაურა.

„ბოლო დროს „სიტის“ რამდენჯერმე შევხვდით. ყველა შემთხვევაში ძალიან რთული დაპირისპირება იყო, დარწმუნებული ვარ, „რეალის“ ფეხბურთელებს ურთულესი გამოცდის ჩაბარება მოუწევთ.“

„ორივე შეხვედრაში დიდი ენთუზიაზმი გვექნება. ჩვენ შეცდომებს ვერ დავუშვებთ, რადგან მეტოქე ძალიან ძლიერია.“

„იმისთვის, რომ ბერნაბეუზე მეორე მატჩის ჩატარებას უპირატესობა ვუწოდოთ, მანჩესტერში კარგი თამაში უნდა ვაჩვენოთ და სასურველი შედეგი დავაფიქსიროთ. ამის შემდეგ კი ნამდვილად შესაძლებელი იქნება მომდევნო ეტაპზე გასვლა და ბერნაბეუს ფაქტორის გამოყენება.“

„კალენდარი ძალიან რთულია, როგორც ჩვენი, ასევე ხოსეპ გვარდიოლას გუნდის.  შემადგენლობის ბალანსირება და ენერგიაზე ზრუნვა მოგვიწევს.“

„მჯერა, რომ „რეალს“ აქვს ჩემპიონთა ლიგის რესურსი, ჩვენ ნებისმიერ მეტოქეს დავამარცხებთ, მთავარი მოტივაციაა.“