შევჩენკო:„ანჩელოტი ყველა დროის ერთ-ერთი საუკეთესო მწვრთნელია“
ანდრეი შევჩენკომ „რეალის“ ბაზაზე სტუმრობის შემდეგ, სამეფო კლუბის ოფიციალურ ვებ-გვერდს ინტერვიუ მისცა.
„კარლო ყველა დროის ერთ-ერთი საუკეთესო მწვრთნელია, ერთად „მილანში“ საოცარი ეპოქა გვქონდა. ჩვენ მოვიგეთ ჩემპიონთა ლიგა და არაერთი თასი. ძალიან ბედნიერი ვარ, რომ მასთან მუშაობის საშუალება მომეცა.“
„კარგად მახსოვს „მილანის“ გასახდელში არსებული საოცარი ურთიერთობები, რომელიც ფეხბურთელებს შორის იყო ჩამოყალიბებული, ეს კი სწორედ ანჩელოტის დამსახურება გახლდათ.“
„ის, რაც იტალიელმა „რეალში“ შეძლო, ფანტასტიკურია, მან ამ გუნდთან ერთად 3-ჯერ აღმართა ჩემპიონთა ლიგის თასი.“
„„რეალი“ განსაკუთრებული კლუბია, ფეხბურთელებს ვესაუბრე და წარმატებები ვუსურვე, ასევე შეხვედრა მქონდა ანდრეი ლუნინთან, რომელიც ჩვენი ნაკრების კარის დარაჯია.“
„ფაქტია, რომ იტალიელმა სპეციალისტმა „ბლანკოსშიც“ შეძლო საოცარი გარემოს ჩამოყალიბება და ეს ძალიან ბევრს ნიშნავს.“
- დღეს, 10:30
- 125
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
