ეზეკილ გარაი წინასასეზონო მომზადებაზე და თავის მომავალზე.

როგორ ჩაიარა თქვენთვის წინასასეზონო მომზადებამ?ღელავთ პრეზენტაციის წინ?

მოსამზადებელი ეტაპი ჩემთვის მნიშვნელოვანი იყო,რადგან მე ვარსკვლავებთან ერთად ვვარჯიშობდი.მე არ ვფიქრობ პრეზენტაციაზე.მსურს ვიფიქრო, თუ რას წარმოადგენს მადრიდის "რეალი".

რა ხდება უესლი სნეიდერთან დაკავშირებით?

ის ჩვენი თანაგუნდელია და გვერდში ვუდგავართ ყველანი.ის შესანიშნავი ფეხბურთელია.

როდესმე გიფიქრიათ "რეალიდან" წასვლაზე?

არა.ვფიქრობ თუ ბოლომდე დავიხარჯები,შედეგიც სახეზე იქნება.არასასიამოვნოა,როცა არცერთი კლუბი არ ინტერესდება იმ ფეხბურთელით,რომელსაც არ ათამაშებენ.მომიწევს ბოლომდე დავიხარჯო,რათა მოვიპოვო პელეგრინის ნდობა.

ზოგიერთი გუნდის ფეხბურთელი შეიძლება ვერ მოხვდეს სეზონის განაცხადში.რას ფიქრობთ ამის შესახებ?

ეს კლუბის საქმეა.ეს არასასიამოვნოა,მაგრამ უნდა შევეგუოთ ამას.

ეს კარგია თუ ცუდი გუნდისთვის?

ყველამ ვიცით,რომ გუნდისთვის ძალიან ბევრი უნდა ვიმუშავოთ.

რას ფიქრობთ უსეინ ბოლტის რეკორდზე?იცოდით,რომ მას გუნდთან შეერთება შეეძლო?

ის ძალიან საინტერესო ადამიანია და დიდი სიამოვნებით გავიცნობდი მას.როცა მას ვაკვირდები,ძნელია გავიგო რას აკეთებს ის.გახარებული ვარ,რადგან მაქვს შანსი შევხვდე ასეთ ადამიანს.

ვრცელდებოდა ხმები,რომ თქვენით "ესპანიოლი" იყო დაინტერესებული.პელეგრინი გესაუბრათ ამის შესახებ?

საუბრები იყო ჩემით დაინტერესებულ კლუბებზე,მაგრამ მწვრთნელი ყოველთვის მეუბნებოდა,რომ ჩემი სჯეროდა.მე ძალიან ბედნიერი ვარ და გავაგრძელებ ბოლომდე მუშაობას.

როგორ გრძნობს თავს კრისტიანო რონალდო?

ყველამ ვიცით,რომ კრისტიანო კარგი ადამიანი და ფენომენალური ფეხბურთელია.მოხარული ვარ მის გვერდით თამაშით.

როგორ ფიქრობთ,ის გრძნობს ზეწოლას მასში გადახდილი რეკორდული თანხის გამო?

ადაპტაციას დასჭირდება რამდენიმე ხანი,რადგან ის არის ახალ გუნდში,ჰყავს ახალი მწვრთნელი და ცხოვრობს ახალ ქალაქში.ის შესანიშნავი ადამიანია და ამას მოედანზეც დაამტკიცებს.ვფიქრობ გუნდისთვის ბევრს გააკეთებს.

რომელია საუკეთესო–მესი თუ რონალდო?

ეს პროვოკაციული კითხვაა ჩემთვის,რადგან მესი ჩემი თანამემამულეა.ორივე დიდებული ფეხბურთელია.სწორედ ამიტომ ისინი თამაშობენ მსოფლიოს საუკეთესო კლუბებში.


ინფორმაციის წყარო:Realmadrid.com