დანიელ კარვახალი ყოველდღიურ რეჟიმში ძალიან ბევრს ვარჯიშობს და ცდილობს, რეაბილიტაციის კურსი ისე არ გაიწელოს, როგორც ეს დავიდ ალაბას შემთხვევაში მოხდა.

ექიმების ვარაუდით, ივნისიდან დანი დასკვნით ეტაპზე გადავა, რაც იმას ნიშნავს, რომ შესაძლოა მსოფლიო საკლუბო ჩემპიონატისთვის მზადყოფნაც ჰქონდეს, თუმცა ის 90 წუთიანი დატვირთვის მზად არ იქნება.

ის, რომ დანი მომდევნო სეზონს მოწოდების სიმაღლეზე შეხვდება ეჭვს არ ბადებს.

გეგმიური ტესტირებები, რომელსაც დანი 2 კვირაში ერთხელ გადის, ცხადჰყოფს, რომ ყველაფერი წესრიგშია და რეაბილიტაცია გაწერილი წესების მიხედვით მიდის.