ენდრიკ ფელიპემ მადრიდის „რეალიდან“ იჯარით წასვლასთან დაკავშირებით ყველა ჭორი უარყო.

ბრაზილიელი ფეხბურთელი არ აპირებს, რომ მადრიდული გრანდი დატოვოს და სხვა მიმართულებით იმუშავოს.

ენდრიკის აზრით, საუკეთესო გამოსავალი მადრიდში დარჩენა და ტოპ ვარსკვლავებთან ერთად გამოცდილების მიღებაა. იგივე პოზიცია აქვს გუნდსაც, კარლო ანჩელოტი მიიჩნევს, რომ სამხრეთ-ამერიკელი დროის გასვლასთან ერთად უფრო მოუმატებს.

ფელიპეს მიმართ ინტერესს იჩენენ, როგორც ესპანური, ასევე გერმანული და იტალიური გუნდები, თუმცა ფაქტია, რომ მოთამაშე მადრიდში რჩება და შემოთავაზებებს არ განიხილავს.