როგორც ესპანური, ასევე გერმანული გამოცემები იუწყებიან, რომ მადრიდის „რეალის“ მიუნხენის „ბაიერნის“ ფეხბურთელის დამატებასთან ახლოს არის.

იოზუა კიმიჰი „ბაიერნში“ კონტრაქტს აღარ გააგრძელებს, მადრიდის „რეალში“ გადასვლას კი იდეალურ ვარიანტად განიხილავს.

გერმანელი ფეხბურთელი სამეფო კლუბთან ინტენსიურ მოლაპარაკებაშია და 3 წლიან კონტრაქტს აფორმებს.

გერმანული გამოცემების ცნობით, კიმიჰის შესახებ „ბაიერნშიც“ კარგად იციან და „რეალთან“ მოლაპარაკებაში ფეხბურთელს  ხელს არავინ უშლის.

ფეხბურთელის აგენტი მადრიდში ვიზიტსაც გეგმავს, სადაც მოლაპარაკებების ბოლო ეტაპი უნდა გაიმართოს.