ესპანური გამოცემების ცნობით, ლუკა მოდრიჩთან, ხესუს ვალიეოხოსთან და ლუკას ვასკესთან დაკავშირებით ახალი საკონტრაქტი ცნობები უფრო ადრე გახდება ცნობილი, ვიდრე მოსალოდნელია.

ის, რომ ვალიეხო გუნდს დატოვებს გადაწყვეტილია, „ბლანკოსი“ ესპანელთან თანამშრომლობას აღარ აპირებს, მაგრამ მოდრიჩთან და ვასკესთან დაკავშირებით განსხვავებული სიტუაციაა.

„რეალში“ ორივე ფეხბურთელთან განიხილავენ თანამშრომლობის გაგრძელებას, მაგრამ აქ ბარიერი მსოფლიო საკლუბო ჩემპიონატია.

ორივე მოთამაშეს ხელშეკრულება 30 ივნისს ეწურება, ხოლო თუ ახალი ხელშეკრულება არ გაფორმდება, მთავარი მწვრთნელი მათზე გათვლას ვეღარ გააკეთებს.

თუ სამეფო კლუბს ესპანელთან და ხორვატთან დამატებითი თანამშრომლობა სურთ, ეს საკითხი დროულად უნდა მოწესრიგდეს.