იტალიური „კომოს“ ხელმძღვანელობამ მადრიდის „რეალს“ მიმართა.

საქმე ეხება ნიკო ფასს. „კომოს“ არ მოსწონს უფლებების ძალიან მძლავრი ბერკეტები, რომელიც ფლორენტინო პერესს არგენტინელ ფეხბურთელთან დაკავშირებით აქვს.

„კომო“ მზად არის, დამატებითი თანხა გადაიხადოს იმისთვის, რომ ნიკოს კონტრაქტის 100%-იანი უფლებები შეისყიდოს და მადრიდის „რეალთან“ არანაირი კავშირი აღარ ჰქონდეს.

თავის მხრივ, „ბლანკოსის“ პოზიცია შესაძლოა შესაბამისობაში არ მოდიოდეს კომოელებთან, ვინაიდან „მერენგები“ ნიკოს დაბრუნებაზე ფიქრობენ.

ჯერ-ჯერობით არ სახელდება თანხა, რომელსაც იტალიური კლუბი „რეალს“ შესთავაზებს, თუმცა მოლაპარაკებები დაწყებულია.