ანჩელოტი:,,პირველი ადგილი აღარ უნდა დავკარგოთ"
კარლო ანჩელოტიმ „ვალიადოლიდთან“ დაპირისპირების წინ პრესკონფერენცია გამართა.
„ჩვენ ლა ლიგის ლიდერები ვართ და ეს სტატუსი უნდა შევინარჩუნოთ, ამისთვის კი პირველ რიგში „ვალიადოლიდის“ დამარცხებაა საჭირო.“
„როტაცია? ვეცდები, საუკეთესო 11 ფეხბურთელი გავიდეს მოედანზე. ეს ძალიან მნიშვნელოვანი მატჩია, რომელიც მორიგი 3 ქულის მოპოვების შანსს გვაძლევს.“
„ვინისიუსი საუდის არაბეთში? თუ ბრაზილიელი ამ გადაწყვეტილებას მიიღებს, ძალიან გამიკვირდება, რადგან როგორც ვიცი, მადრიდში თავს ძალიან ბედნიერად გრძნობს და სამომავლო გეგმებს მხოლოდ ბერნაბეუზე თამაშს უკავშირებს.“
„ბელგიის ნაკრების ახალი მწვრთნელი და კურტუა? თუ ტიბო ნაკრებში დაბრუნების გადაწყვეტილებას მიიღებს, ჩვენ არანაირი პრობლემა არ გვექნება.“
„ფედე ვალვერდეს ჩემთვის არასდროს უთქვამს, სად სურს თამაში. ურუგვაელი სრულყოფილი მოთამაშეა და გუნდური ინტერესებიდან გამომდინარე მოქმედებს. ვიცი, რომ ის საუკეთესო ნახევარდაცვაშია, მაგრამ როდესაც დაცვას სჭირდება, არასდროს თაკილობს ამის გაკეთებას.“
„დანი სებალიოსს ბრწყინვალედ შეუძლია მაღალი დონის შეხვედრების გამართვა. ესპანელი შესანიშნავ კონდიციაში იმყოფება და გუნდის დახმარებას ახერხებს. მოხარული ვარ, რომ ნახევარმცველმა საუკეთესო ფორმა იპოვა.“
„ჩუამენი თავს კარგად გრძნობს და სათამაშოდ მზად არის, კამავინგა კი მომდევნო კვირაში უნდა დაბრუნდეს.“
„როდრიგო შესანიშნავია ყველგან, სადაც მოქმედებს, ის ბევრ გოლს იტანს და ასისტებით იჩენს თავს.“
- გუშინ, 18:48
- 554
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
