ფიზ.მომზადების მწვრთნელი ანტონიო პინტუსი კარლო ანჩელოტის პირდება, რომ თებერვალში „რეალის“ ფეხბურთელები მოწოდების სიმაღლეზე იდგებიან.

იტალიელ სპეციალისტს არაერთხელ დაუმტკიცებია, რომ მისი მეთოდები ამართლებს და სეზონის მეორე ნახევარში განსაკუთრებულად მუშაობს.

დეკემბრის თვეში ანტონიომ გარკვეული მეთოდები შეარბილა, თუმცა იანვარში კვლავ დაბრუნდა იმ მეთოდიკაზე, რომელიც გუნდს შედეგს მისცემდა.

ანტონიო იძლევა გარანტიას, რომ გუნდი ფიზიკური თვალსაზრისით მეტოქეებზე წინ იქნება და ეს სეზონის გადამწყვეტ ეტაპზე საუკეთესო შედეგებს მოიტანს.

ამას ემატება დავიდ ალაბას ფაქტორი, რის საფუძველზეც ანტონიო რუდიგერს ამოსუნთქვის საშუალება მიეცემა, ვინაიდან დაცვის ცენტრში შესაბამისი რესურსი ჩნდება.