ესპანურ ფეხბურთში მართლაც სრული სიგიჟე ხდება. მადრიდის „რეალმა“ ვინისიუს ჟუნიორის ტრანსფერთან დაკავშირებით 350 მილიონიანი წინადადება მიიღო.

აღნიშნულ თანხას „ალ აჰლი“ იხდის, რომელიც ფეხბურთელს ასევე საოცარ კონტრაქტს სთავაზობს 5 წლის ვადით.

ვინის შეუძლია მსოფლიოს ყველა დროის ყველაზე მაღალანაზღაურებადი ფეხბურთელის სტატუსი მოირგოს.

თავის მხრივ, მადრიდის „რეალი“ ფეხბურთელთან თანამშრომლობის გახანგრძლივებაზე ფიქრობს და მიიჩნევს, რომ 350 მილიონიც კი არ არის ის თანხა, რომლის სანაცვლოდაც ბრაზილიელი უნდა დათმოს.

ვინი 24 წლის ასაკში საოცარ გამოცდილებას ფლობს, „რეალის“ ფილოსოფიას სრულფასოვნად იზიარებს და კიდევ მინიმუმ 8-10 წლიანი პერსპექტივა აქვს, სწორედ ამიტომ, პერესი ყველაფერს აკეთებს მოთამაშის შესანარჩუნებლად, თუმცა უნდა აღინიშნოს, რომ ცდუნებაც ძალიან დიდია.