კარლო ანჩელოტიმ „ზალცბურგის“ დამარცხების შემდეგ პრესკონფერენცია გამართა.

„როგორც ადრე გითხარით, მადრიდის „რეალს“ შეტევაში არანაირი პრობლემა არ აქვს, ჩვენ შეგვიძლია გოლების გატანა. მთავარი არის დაცვითი პრობლემების მოწესრიგება და მეტი ბალანსის პოვნა, რაც როგორც სტანდარტულ, ასევე უმაღლეს დონის მატჩებს მოგვაგებინებს.“

„დავიდ ალაბა კარგად ვარჯიშობს და ეტაპობრივად ცდილობს ტემპს მოუმატოს. ავსტრიელი ფეხბურთელი მალე სასტარტო შემადგენლობაშიც მოხვდება და გუნდის დახმარებას შეძლებს.“

„8 გუნდში მოხვედრა ძალიან გაგვიჭირდება, ამის მხოლოდ 3%-იანი შანსი არსებობს, მაგრამ ჩვენ ვეცდებით, დავამარცხოთ „ბრესტი“ და შევხედოთ რა მოხდება.“

„ხუთივე გოლი ეფექტური იყო. დარწმუნებული ვარ, მოედანზე შეკრებილმა ქომაგებმა უდიდესი სიამოვნება მიიღეს.“

„როდრიგო ხელშეუხებელი ფეხბურთელია, ბრაზილიელის კლასი არის მართლაც საოცარი. მიხარია, რომ გოეში კიდევ უფრო უმატებს და საოცარ ფორმაში შედის.“

„ჩვენ გვყავს საოცარი შეტევის ხაზი, ვინისიუსის, მბაპეს, ბელინგემის, ბრაჰიმის, გოეშის და სხვების სახით.“

„ჯუდს მხარზე მცირე დისკომფორტი აქვს, მაგრამ ვიმედოვნებ, სერიოზული არაფერი იქნება. ინგლისელი მომდევნო მატჩებში ძალიან დაგვჭირდება.“

„„სიტის“ პრობლემები? ეს არ არის ჩემი საქმე. ვფიქრობ, მანჩესტერული გუნდი 24 კოლექტივს შორის მოხვდება და შემდეგ კვლავ ფავორიტის სტატუსს მოირგებს.“

„ვინისიუსმა „რეალში“ მე-100 და 101-ე გოლი გაიტანა. მე გისახელებთ მსოფლიოს საუკეთესო ფეხბურთელს - ის სწორედ ვინისიუსია!“