ავტორიტეტული გერმანული გამოცემების ცნობით, ალფონსო დეივისისა და მადრიდის „რეალის“ გარიგება ჩავარდნილია.

კანადელი ფეხბურთელი „რეკორდმაისტერთან“ ახალი კონტრაქტის ბოლო დეტალებს ათანახმებს. როგორც ჩანს, „ბაიერნმა“ მიზანს მიაღწია და განაპირა მცველთან თანამშრომლობას აგრძელებს.

გასულ კვირას მიუნხელებმა დეივისს სწორედ ის ხელფასი და საკონტრაქტი პირობები შესთავაზეს, რომელიც ფეხბურთელს ჰქონდა მოთხოვნილი.

დაუდასტურებელი ინფორმაციით, კანადელი ფეხბურთელი ბუნდესლიგაში 4.5 მილიონი ევროთი მეტ ხელფასს მიიღებს, ვიდრე ფლორენტინო პერესი სთავაზობდა.