კილიან მბაპეს მადრიდის „რეალში“ გადასვლიდან დღემდე 18 გოლი აქვს გატანილი. აღსანიშნავია, რომ ფრანგმა ფეხბურთელმა 18-ჯერ მეტოქის კარის აღება 30 შეხვედრაში მოახერხა.

ახალწვეულის მიზანი კრიშტიანო რონალდუს პირველი მადრიდული სეზონის შედეგის გაუმჯობესებაა. პორტუგალიელმა ლეგენდამ 2009/10 წლების სეზონში 33 გოლის გატანა შეძლო, ამისთვის კი მბაპეს დამატებით 15 გოლის გატანა სჭირდება.

გამომდინარე იქედან, რომ კილიანი საოცარ ფორმაში შევიდა, მისი ოპტიმიზმის ხარისხიც მნიშვნელოვნად იზრდება.

ფრანგ ვარსკვლავს ლა ლიგის 18 ტური აქვს წინ, გარდა ამისა ის მონაწილეობს ჩემპიონთა ლიგასა და სამეფო თასზე, რაც იმას ნიშნავს, რომ ამ სეზონში კიდევ 25-30 მატჩის ჩატარების შესაძლებლობა აქვს, სადაც 15 გოლის გატანა სრულიად შესაძლებელი იქნება.