ესპანური გამოცემების ცნობით, კარლო ანჩელოტის სამეფო კლუბის ფეხბურთელებთან საუბარი ჰქონდა და ახალი დავალება გასცა.

იტალიელმა სპეციალისტმა შეგირდებს აუხსნა, რომ ლა ლიგის მიმდინარე სეზონში გამარჯვების მოსაპოვებლად 90 ქულის დაგროვება საკმარისი იქნება.

მე-20 ტურის თავზე „ბლანკოსს“ შესაძლო 60-იდან 46 ქულა აქვს, რაც იმას ნიშნავს, რომ 14 ქულაა დაკარგული.

მომდევნო 18 ტურში გათამაშდება 54 ქულა, აქედან კი „ბლანკოსს“ სჭირდება 44 ქულა იმისთვის, რომ ესპანეთის ჩემპიონატი მოიგოს.

ანჩელოტის ყველა გათვლით, 90 ქულა არის აბსოლუტური მაქსიმუმი და რომელი გუნდიც ამ სეზონში მსგავს მაჩვენებლამდე მივა, სწორედ ის გახდება გამარჯვებული.

იმისთვის, რომ „ატლეტიკომ“ 90 ქულა მოაგროვოს, მომდევნო 18 ტურში შესაძლო 54-იდან 46 ქულას მოუყაროს თავი, „ბარსელონამ“ კი 51 ქულას, რაც მეტისმეტად არარეალური ჩანს.

ყოველივე ზემოაღნიშნულიდან გამომდინარე, იტალიელი სპეციალისტი გარანტიას აძლევს ფეხბურთელებს, რომ 90 ქულა საჩემპიონო მაჩვენებელი იქნება და გუნდმა სწორედ ამაზე უნდა გააკეთოს სწორება და მაქსიმალურად ეცადოს სტაბილური სერია გამოაცხოს.