ესპანური გამოცემების ცნობით, კარლო ანჩელოტის უსაქმოდ ყოფნა დიდხანს არ მოუწევს და მას არაერთი კლუბი სთავაზობს ხელშეკრულებას.

ფაქტობრივად გადაწყვეტილია, რომ იტალიელი სპეციალისტი ბრაზილიის ნაკრებს არ ჩაიბარებს, თუმცა მას ძველი კლუბი - „მილანი“ სთავაზობს თანამშრომლობას, რომელმაც მთავარი მწვრთნელი სულ ახლახანს შეცვალა.

იმ შემთხვევაში, თუ კარლიტო „როსონერის“ სათავეში ჩადგომაზე თანხმობას განაცხადებს, „შავ-წითლები“ ახალ მწვრთნელსაც გაათავისუფლებენ.

რაც შეეხება სხვა კლუბებს. არსებული ცნობების მიხედვით, „რეალის“ ამჟამინდელ დამრიგებელს პრემიერლიგის კლუბებიც ეპატიჟებიან.

ბრიტანული გამოცემების ცნობით, კარლოსთან დაკავშირებას „ჩელსიც“ შეეცდება, რომლის მთავარ მწვრთნელ ენცო მარესკას ბოლო დროს აშკარა პრობლემები აქვს, გუნდი კი ჩემპიონთა ლიგის ზონასაც დასცილდა.