მადრიდის „რეალმა“ „ლას პალმასი“ დამაჯერებლად დაამარცხა და მე-20 ტურის თავზე ლა ლიგის ერთპიროვნული ლიდერი გახდა.

ანჩელოტის გუნდის განკარგულებაში 46 ქულაა, მეორე ადგილზე „ატლეტიკო“ იმყოფება 44 ქულით, ხოლო მესამეზე „ბარსელონა“ 39 ქულით.

თუ 2 თვის წინ კატალონიურ გრანდთან ჩამორჩენა 8 ქულას შეადგენდა, დღეს „რეალი“ 7 ქულით არის წინ.

სამეფო კლუბს დიდი უპირატესობა აქვს მოპოვებული და ფაქტია, რომ ოპტიმალურ კონდიციას უახლოვდება და სეზონის გადამწყვეტი ეტაპისთვის საიმედოდ გამოიყურება.