ლა ლიგის მე-20 ტური მადრიდის „ატლეტიკოსთვის“ და კატალონიის „ბარსელონასთვის“ წარუმატებელი გამოდგა.

„ატლეტიკომ“ „ლეგანესთან“ წააგო, „ბარსელონა“ კი „ხეტაფეს“ ესტუმრა და მხოლოდ 1 ქულას დასჯერდა.

იმ შემთხვევაში, თუ მადრიდის „რეალი“ დღეს „ლას პალმასს“ დაამარცხება, აქტივში 46 ქულას ჩაიწერს და ლა ლიგის ერთპიროვნული ლიდერი გახდება.

გარდა ამისა, „რეალსა“ და „ატლეტიკოს“ შორის ქულათა სხვაობა 2 ქულა იქნება, „ბარსელონასთან“ სხვაობა კი 7 ქულამდე გაიზრდება.