კარლო ანჩელოტიმ „ლას პალმასთან“ შეხვედრის წინ პრესკონფერენცია გამართა.

„ჩვენ ვაფასებთ მეტოქეს და ვიცით, რომ დიდი ბრძოლის გამარჯვება მოგვიწევს გამარჯვების მისაღწევად. „ლას პალმასი“ კარგად ორგანიზებული გუნდია, ჩვენ კი გამარჯვება გვჭირდება.“

„სეზონის მეორე ნახევარი იწყება, ჩვენ გვჭირდება კიდევ უფრო სტაბილური მაჩვენებლები, სხვა შემთხვევაში, ჩემპიონობა გაგვიჭირდება. მივიჩნევ, რომ იმაზე მეტი ქულისთვის უნდა ვიბრძოლოთ, ვიდრე პირველ წრეში მოვიპოვეთ.“

„ბრაჰიმ დიასი ძალიან კარგ ფორმაშია, ისე როგორც მბაპე და როდრიგო. ასევე ხაზგასასმელია ენდრიკ ფელიპეს პროგრესი, ბრაზილიელმა „ლა კოპაზე“ ეფექტური გოლების გატანა შეძლო.“

„კლუბის მხრიდან მხარდაჭერა მაქვს და ამას ყოველდღიურად ვგრძნობ. ის, რომ ხელმძღვანელობას აინტერესებს გუნდში მიმდინარე მოვლენების შესახებ, სრულიად ბუნებრივია. თქვენ როგორ ფიქრობთ, სიტუაცია არ უნდა შეფასდეს, როდესაც ვაგებთ? ეს ჩვეულებრივი მომენტია. გიდასტურებთ, მქონდა შეხვედრა გენერალურ დირექტორთან და ბევრი საკითხი გავაანალიზეთ.“

„დავიდ ალაბას მოედანზე 90 წუთის გატარება არ შეუძლია, მაგრამ მაღალი ალბათობით „ლას პალმასთან“ გარკვეულ დროს მიიღებს. ავსტრიელს ტემპი აკლია და ამ პროცესს დრო დასჭირდება.“

„როდესაც ფიქრობ, რომ სასწავლი აღარაფერი გაქვს, შენი დონე იწყებს ვადნას. რა ასაკშიც არ უნდა ვიყო, ყოველთვის ვცდილობ განვითარებას და პროგრესს, რადგან ფეხბურთი მზარდი სპორტია, სადაც ტენდენციები ხშირად იცვლება. ჩემი ათწლოვანი გამოცდილება ამ პოზიციაზე ყოფნის უფლებას მაძლევს.“

„„ბარსელონასთან“ სამარცხვინო მარცხი განვიცადეთ, რაც ჩემი ბრალია, სწორედ ამიტომ, ქომაგების მხრიდან მიღებულ აგრესიას ვერაფერს დავუპირისპირებ.“

„კალენდარი კატასტროფულია, ფეხბურთელებმა აღდგენა ფაქტობრივად ვერ მოახერხეს, სწორედ ამიტომ, დღევანდელ სესიაზე მეტი ყურადღება ტაქტიკურ მონახაზებს დავუთმეთ. არ ვიცი, რატომ ტარდება „ლა კოპას“ შეხვედრა 21:30 საათზე, ეს ხომ აგვისტო არ არის, რომ სიცხის გვეშინოდეს?!“

„მბაპე აშკარად პროგრესირებს. ფრანგმა ფეხბურთელმა პირობა მომცა, რომ სეზონის მეორე ნაწილშიც კიდევ უფრო ეფექტური გახდება და მეტ გოლს გაიტანს. ფაქტი ის არის, რომ მადრიდში გამოსვლის დღიდან დღემდე, კილიანი პროგრესირებს და ოპტიმალურ კონდიციას უახლოვდება.“

„ენდრიკი სუპერ პროფესიონალია, ის მშვიდად მუშაობს და შანსს ელის. ბრაზილიელს არ ახასიათებს დეპრესიულობა, ის ოპტიმისტია და იცის, რომ ყველაფერი წინ აქვს. პატივს ვცემ, ფელიპეს სტილის მოთამაშეებს.“

„ვინი მშვიდად არის. ვიცით, რომ ბრაზილიელი 2 მატჩის განმავლობაში ვერ დაგვეხმარება, თუმცა ის ჩვენთან ერთად იქნება ჩემპიონთა ლიგაზე.“

„სიმეონეს შეფასებებთან დაკავშირებით ვერაფერს ვიტყვი. ჩოლომ იცის, რას წარმოადგენს მადრიდული გრანდი.“