4 დღის წინ, ალფონსო დეივისმა მიუნხენის „ბაიერნს“ განუცხადა, რომ მისთვის შეთავაზებული კონტრაქტი და ფინანსური პირობები მიუღებელია, გუშინ საღამოს კი კანადელმა განაპირა მცველმა ახალი წინადადება მიიღო.

გერმანული გამოცემების ცნობით, ეს არის „რეკორდმაისტერის“ ბოლო წინადადება, რომელზეც უარის მიღების შემთხვევაშიც, „ბაიერნი“ ნაბიჯებს აღარ გადადგამს.

ხაზგასასმელი კი ის არის, რომ მიუნხენურმა გრანდმა დეივისის ყველა მოთხოვნა დააკმაყოფილა.

ახლა „ბაიერნში“ მიიჩნევენ, რომ ალფონსოს უარის თქმის საფუძველი აღარ აქვს.

თავის მხრივ, მადრიდის „რეალი“ ყურადღებით აკვირდება განვითარებულ მოვლენებს და კანადელის საბოლოო გადაწყვეტილების მოლოდინშია.