არსებული ინფორმაციით, ალფონსო დეივისის საგა მადრიდის „რეალთან“ დაკავშირებით ხელახლა იწყება.

მაშინ, როდესაც კანადელი „ბაიერნთან“ მოლაპარაკებებს წარმატებით ასრულებდა და ახალი კონტრაქტიც ახლოს იყო, მთავარ საკითხებზე შეთანხმება ვერ მოხდა და საუბრები კვლავ გაჩერდა.

ესპანური გამოცემების ცნობით, ალფონსო კვლავ „რეალს“ დაუკავშირეს და მის ირგვლივ განვითარებულმა მოვლენებმა მადრიდული მხარეც დააინტერესა.

ამასთან ერთად ცნობილია, რომ პერესი დამატებით ნაბიჯებს არ გადადგამს, ვინაიდან „რეალის“ შეთავაზება კვლავ ძალაშია და არაფერი იცვლება.

თუ ფეხბურთელს ბერნაბეუზე თამაში სურს, შეუძლია სამეფო კლუბთან წინასწარი კონტრაქტი გააფორმოს და ივლისიდან მადრიდისტა გახდეს.