ესპანური გამოცემების ცნობით, მადრიდის „რეალს“ გეგმა „ბ“ შემუშავებული აქვს.

იმ შემთხვევაში, თუ ფლორენტინო პერესი კარლო ანჩელოტის თანამდებობიდან გაათავისუფლებს, მის ადგილს სეზონის ბოლომდე სანტიაგო სოლარი დაიკავებს.

გუნდი მარკეტზე არ გავა და სხვა ალტერნატივებს არ განიხილავს, ვინაიდან სოლარის იდეალურ ვარიანტად მიიჩნევს. სანტიაგო „მერენგების“ მთავარი მწვრთნელის პოსტზე დროებით ადრეც იყო და სწორედ მის სახელს უკავშირდება ვინისიუს ჟუნიორისთვის მეტი შანსის მიცემაც.

რაც შეეხება ზაფხულის ცვლილებებს, მთავარი მწვრთნელობის უპირობო კანდიდატი ჩაბი ალონსოა.