ესპანური გამოცემების ცნობით, კარლო ანჩელოტი მადრიდის „რეალის“ პრეზიდენტსა და დირექტორთა საბჭოს ზამთრის მინიმუმ ერთ ტრანსფერს თხოვს.

ესპანური გამოცემები იუწყებიან, რომ პერესმა ანჩელოტის მკაცრად უთხრა საკუთარი გეგმის შესახებ.

„ბლანკოსი“ იმპულსურად არ იმოქმედებს და მხოლოდ ისეთ ტრანსფერებს გაჩარხავს, რაც მიზანმიმართული იქნება.

არსებული ცნობით, „რეალი“ იანვარში ტრენტზე დიდ ყურადღებას გაამახვილებს, მაგრამ თუ ინგლისელთან შეთანხმება ვერ მიიღწევა, სხვა ფეხბურთელების მიმართულებით არ იმუშავებს.

ჯერ კიდევ გუშინ გავრცელდა ინფორმაცია, რომლის მიხედვითაც, „სიტის“ დატოვებასთან ახლოს არის კაილ ვოლკერი და მისით „მილანი“ ინტერესდება. თავის მხრივ, ინგლისელის მიმართ ინტერესი ანჩელოტიმაც გამოხატა, მაგრამ პერესისგან უარი მიიღო. ფლორენტინო მიიჩნევს, რომ გუნდმა 6 თვიან პროექტებზე არ უნდა იფიქროს, ვოლკერის ასაკის ფეხბურთელთან გრძელვადიანი თანამშრომლობა კი სრულიად გამორიცხულია.