კარლო ანჩელოტი „რეალის“ მწვრთნელის თანამდებობას ტოვებს?
ესპანური გამოცემების ცნობით, საუდის არაბეთიდან მადრიდისკენ მიმავალი ფრენის დროს, ფლორენტინო პერესსა და ანჩელოტის შორის დამატებითი საუბრები შედგა.
იტალიელმა სპეციალისტმა ფლორენტინოს უთხრა, რომ იაზრებს, რაც ახლა მადრიდში ხდება. ქომაგების მხრიდან გუნდზე უდიდესი აგრესია მოდის, რადგან გუნდმა 2 თვის ჭრილში „ბარსელონასთან“ 2-ჯერ წააგო, თანაც ორივეჯერ კატასტროფული ანგარიშით.
ფლორენტინო ხვალ კარლოს შეხვდება და სიტუაციას გააანალიზებს, ანჩელოტი კი პრეტენზიების გამოთქმას არ აპირებს და ღიად აფიქსირებს, რომ ნებისმიერი გადაწყვეტილების გასათავისებლად მზად არის.
რაც შეეხება მადრიდელთა პოზიციას. არსებული ცნობით, პერესი მიიჩნევს, რომ მწვრთნელის შუა სეზონში გაშვება მხოლოდ უკიდურესი გადაწყვეტილება იქნება, თუმცა ანჩელოტი გუნდს სეზონის ბოლოს აუცილებლად დატოვებს, რადგან მან რესურსი ამოწურა და „ბლანკოსს“ ახალი მიდგომა და ახალი ფორმაცია სჭირდება.
- დღეს, 12:57
- 2 250
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
