ანჩელოტი:,,უმძიმესი მარცხი იყო"
კარლო ანჩელოტიმ „ბარსელონასთან“ საზარელი მარცხის შემდეგ პრესკონფერენცია გამართა.
„რეალობას უნდა შევხედოთ და გავაანალიზოთ შეცდომები, რომელიც დავუშვით. გოლები ძალიან მარტივად გავუშვით, თამაში სრულიად მოიშალა და შემდეგ ვერაფრის მოწესრიგება ვეღარ შევძელით. შეტევების ორგანიზების დროს ხარვეზები გვქონდა, კატალონიელები კი მაქსიმალურად ცდილობდნენ ბოძებული მომენტების გამოყენებას.“
„ძალიან სევდიანი ვარ. მძიმე მარცხი მივიღეთ, თანაც „ელ კლასიკოში“, თანაც ფინალში. მადრიდელები ძალიან დამწუხრებულები იქნებიან.“
„მბაპეს გამოსვლა? კილიან უდავოდ საუკეთესო იყო, მან ბევრი იშრომა და იბრძოლა. ფრანგს საოცარი გამოსვლა ჰქონდა და მეორე გოლის გატანასთანაც ახლოს იყო. სამწუხაროდ, მან პირველ ტაიმში კოჭი იტკინა.“
„როდესაც შესნი გააძევეს, ვიფიქრე, რომ „ქამბექი“ შესაძლებელი იყო, თუმცა ვერაფერი გავაწყვეთ.“
„ეს იყო გუნდური პრობლემა. წინ უნდა ვიყუროთ და დადებითი იმპულსები დავიბრუნოთ. ჩვენთვის მარცხი ძალიან მძიმეა, მაგრამ ვერაფერს შევცვლით, მომავალზე ყურადღების გადატანით კი წარმატებას მივაღწევთ.“
„„ელ კლასიკოს“ წაგების შემდეგ ყველა ფეხბურთელს ვუთხარი, რომ ეს დღე უნდა დავივიწყოთ, თუმცა არ დაგვავიწყდეს შეცდომები, რომელიც დავუშვით.“
- 13 იანვარი 2025
- 7 096
- 19
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
