ტომას რონსეროს აზრით, მადრიდის „რეალის“ სამწვრთნელო შტაბმა კასტილიელებთან სერიოზულად უნდა იმუშაოს.

„ვფიქრობ, მადრიდის „რეალის“ აკადემიას 5 ტოპ პერსპექტივის მქონე ფეხბურთელი ჰყავს. ხუთივე მათგანი იმსახურებს მთავარ გუნდში თამაშს და ანჩელოტიმ ამ მიმართულებით აუცილებლად უნდა გააძლიეროს მუშაობა.“

„„მერენგების“ საკუთრებაში არიან რაულ ასენსიო, ლორენცო აგუადო და დიეგო აგუადო.“

„ამასთანავე არ უნდა დავივიწყოთ ჯაკობო რამონი, რომელმაც საკუთარი სწორი, მიზანმიმართული და ტაქტიკურად განსწავლული თამაშით ყველა გააოცა.“

„ძალიან მძიმე ტრავმის მკურნალობის პროცესშია ხოან მარტინესი, რომელსაც ახალ სერხიო რამოსს უწოდებენ.“

„ვფიქრობ, დაცვის ხაზში სერიოზული მატებაა შესაძლებელი, თანაც ძალიან ახალგაზრდა, პერსპექტიული და მომავალზე ორიენტირებული ფეხბურთელებით.“

„დღესდღეობით რაულ ასენსიო ყველამ გაიცნო, ანალოგიური მოხდება სხვა კანტერანოებთან მიმართებაშიც, უბრალოდ მათ შესაბამისი დრო სჭირდებათ, რომ შესაძლებლობები გამოავლინონ.“