ფანსი ფლიკი „ელ კლასიკოს“ წინ ჟურნალისტებს შეხვდა და პრესკონფერენციას გამართა.

„გუნდი კარგად არის ორგანიზებული. მოტივირებულები ვართ და გვჯერა, რომ გამარჯვების მიღწევა შესაძლებელია.“

„ოლმო? მას არანაირი პრობლემა არ აქვს და მოედანზე გასვლა შეუძლია.“

„თუ სამეფო კლუბთან გამარჯვება გვსურს, სწრაფი ფეხბურთი უნდა ვითამაშოთ, სწორედ ეს იქნება წარმატების გასაღები.“

„ვინისიუსი? კარგია, რომ ბრაზილიელის მიერ მიღებული დისკვალიფიკაცია ესპანეთის სუპერთასზე არ გავრცელდა და ის ფინალში თამაშს შეძლებს. ასეთ შეხვედრებს ბევრი ვარსკვლავი უხდება.“

„„ბილბაოსთან“ თამაშის შემდეგ აღდგენითი ვარჯიში ჩავატარე, გუშინდელი დღე კი დასვენებას დავუთმეთ, იმისთვის, რომ ფეხბურთელებს ენერგიის აღდგენის საშუალება ჰქონოდათ. ვფიქრობ, სწორად მოვიქეცი და დღევანდელ შემაჯამებელ სესიაზე დასკვნით მითითებებს გავცემ. ჩემი გუნდი „ელ კლასიკოს“ მოწოდების სიმაღლეზე ხვდება.“

„გზა, რომელიც ბერნაბეუზე გამარჯვებამდე გავიარეთ, საუკეთესო იყო. არ ვფიქრობ, რომ რამის შეცვლაა საჭირო.“

„ჩვენ სუპერთასის მოგება გვსურს. არ გვადარდებს, რომ წინა კვირები შედარებით რთული იყო. გუნდი მოტივირებულია და მოწოდების სიმაღლეზე დგომას აპირებს.“

„მადრიდის „რეალის“ შეტევის ხაზი მსოფლიოში ერთ-ერთი საუკეთესოა. ანჩელოტი დიდ ყურადღებას უთმობს მობილურ თამაშს. მაქსიმალურად უნდა ვეცადოთ, რომ შეცდომები არ დავუშვათ და „ბლანკოსის“ ფეხბურთელების შესაძლებლობების სრულფასოვნად გამოვლენის საშუალება არ მივცეთ.“

„არაუხო სოლიდური მცველია, რომელიც ჩვენი დაცვის ხაზს უფრო მრავალფეროვანს ხდის. ურუგვაელმა მძიმე ტრავმა იმკურნალა და გარკვეული დრო სჭირდება ოპტიმალურ კონდიციამდე მისვლაში.“