კარიმ ბენზემა მადრიდის „რეალს“ კიდევ ერთხელ ესტუმრება და წარმატებებს „ელ კლასიკოს“ წინაც უსურვებს. ფრანგმა ლეგენდამ ჟურნალისტებთან ინტერვიუ ჩაწერა.

„„რეალი“ ჩემი კლუბია. ძალიან მნიშვნელოვანია, რომ აქ ვარ და ყოფილი თანაგუნდელების ნახვა შემიძლია.“

„„მალიორკასთან“ მატჩის წინ ჩემი ვიზიტი იღბლიანი გამოდგა და ვიმედოვნებ, „ელ კლასიკოს“ წინაც ასე იქნება.“

„ფლორენტინო პერესი ჯერ-ჯერობით აქ არ იმყოფება. პრეზიდენტს ფინალში გასვლა ტელეფონის საშუალებით მივულოცე, ხოლო როდესაც აქ ჩამოვა, აუცილებლად ვნახავ და ჩავეხუტები.“

„ეპოქა, რომელიც „რეალში“ მქონდა ფასდაუდებელია. მე „მერენგების“ რიგებში 14 სეზონი ჩავატარე, მთელი კარიერა ამ გუნდს მივუძღვენი.“

„ვინი? ის საოცარია. ბრაზილიელისთვის არაერთხელ მითქვამს, რომ ემოციებს არ უნდა აყვეს, ის საუკეთესოა და ბევრჯერ მოიგებს ოქროს ბურთს.“

„ამ სეზონის შემდეგ კარიერის დასრულებას არ ვაპირებ, რადგან კარგ ფორმაში ვარ.“

„„რეალში“ დაბრუნება? რატომაც არა, ამაზე სერიოზულად ვფიქრობ. ამაზე კარგი ადგილი სამუშაოდ არ არსებობს.“

„მადრიდელ გულშემატკივრებს ვეტყოდი, რომ ისინი ჩემთვის ძალიან მნიშვნელოვანი ადამიანები არიან.“

„მთელი სეზონის მანძილზე „ბლანკოსის“ ნახევარზე მეტ თამაშს ვუყურებ.“