მიუხედავად იმისა, რომ კატალონიის „ბარსელონას“ ლა ლიგის რამდენიმე კლუბი სერიოზულად დაუპირისპირდა, მადრიდის „რეალი“ ნეიტრალურ პოზიციას ინარჩუნებს.

დანი ოლმოსა და პაუ ვიქტორის რეგისტრაციასთან დაკავშირებით ესპანეთში სერიოზული სკანდალია.

გუშინ საღამოს „ატლეტიკომ“ ოფიციალური განცხადება გაავრცელა და მომხდარი მოვლენები დაგმო, ვინაიდან ეს არ ეფუძვნებოდა თანასწორობის პრინციპს.

მადრიდის „რეალი“ კი ნეიტრალურ პოზიციას ინარჩუნებს და კატალონიელთა წინააღმდეგ არ მოქმედებს.

ესპანური გამოცემების ცნობით, ფლორენტინო პერესი ამ ნაბიჯით ლაპორტასთან ურთიერთობების დარეგულირებას ცდილობს, ვინაიდან სწორედ „ბარსელონა“ გახლავთ მთავარი პარტნიორი სუპერლიგის პროექტში.

შეგახსენებთ, ლაპორტამ ზემოხსენებული ფეხბურთელების დარეგისტრირება ოფიციალურად უკვე მოახერხა.