მადრიდის „რეალის“ ფეხბურთელები „ელ კლასიკოსთვის“ მზადება დღეს დაიწყებენ.

დღეს გუნდს აღდგენა ექნება და მთავარი აქცენტი ფიზიკურ კონდიციებზე გაკეთდება, რადგან გუშინ ფეხბურთელებმა 90 წუთი იბრძოლეს.

ანჩელოტის სულ რაღაც 2 დღე აქვს იმისთვის, რომ მადრიდული გრანდი „ბარსელონასთან“ მატჩისთვის სათანადოდ მოამზადოს.

სესია დღის მეორე ნახევარში შედგება, რათა მოთამაშეებს დასვენებისთვის მეტი დრო ჰქონდეთ.