გონსალო იგუაინის აზრით, მადრიდის „რეალში“ ფლანგის მცველების კრიტიკული საჭიროება დგას.

„მე ვფიქრობ, რომ მადრიდის „რეალის“ მთავარი დადებითი მხარე ყოველთვის იყო ფლანგის მცველების მაქსიმალური ჩართულობა შეტევებში, რაც შემტევებსაც მეტ სივრცეს აძლევდა.“

„გაიხსენეთ მარსელო და მიხვდებით, რომ ბრაზილიელის გუნდში ყოფნა რონალდუს საოცარ კომფორტს უქმნიდა.“

„დარწმუნებული ვარ, ვინისიუსი და მისი მეგობრები გაცილებით მეტს გაიტანენ, როდესაც ფლანგის მცველებისგან მეტი დახმარება ექნებათ.“

„„რეალს“ სჭირდება როგორც მარჯვენა, ასევე მარცხენა ფლანგის გაძლიერება და ისეთი ფეხბურთელების დამატება, რომლებიც ამ ფილოსოფიას იდეალურად მოერგებიან.“

„მენდი? ის ძალიან მაღალი დონის ფეხბურთელია, თუმცა მხოლოდ დაცვაში. შეტევითი ფუნქციების მხრივ ფერლანს ტოპ 5-შიც არ შევიყვანდი.“

„გასაგებია, რომ „რეალი“ სხვა პოზიციების გაძლიერებაზეც ფიქრობს, თუმცა ვფიქრობ, მთავარი პრიორიტეტი დაცვა უნდა გახდეს.“