კარლო ანჩელოტიმ ესპანეთის სუპერთასის ნახევარფინალური მატჩის მოგების შემდეგ პრესკონფერენცია გამართა.

„მიუხედავად იმისა, რომ „მალიორკამ“ დაცვაში ძალიან მწყობრი, კომპაქტური და შედეგზე ორიენტირებული ფეხბურთი ითამაშა, ჩვენ ძალიან ბევრი მომენტი შევქმენით და გოლს ვუახლოვდებოდით. უამრავი მომენტი გვქონდა და ვცდილობდით მეტოქის კარის აღებას.“

„როდესაც გოლი გავიტანეთ, ჩვენი ამოცანა უფრო გამარტივდა, რადგან არასატეს გუნდი მხოლოდ დაცვაზე აღარ ფიქრობდა. საერთო ჯამში რთულ მატჩს ველოდი და ასეც მოხდა, თუმცა მთავარი გამარჯვებაა.“

„არ ვიცი, არის თუ არა ეს კილიან მბაპეს საუკეთესო დონე, მაგრამ ფაქტია, რომ ფრანგმა ძალიან მოუმატა. დეკემბრის დასაწყისიდან მოყოლებული ჩვენი შემტევი ძალიან მნიშვნელოვან საქმეებს აკეთებს. კილიანი მუდმივად ამწვავებს სიტუაციას და სხვა ფეხბურთელებსაც ეხმარება.“

„ჩუამენიმ თავში მძიმე დარტყმა მიიღო, სწორედ ამიტომ მოედანზე რაულ ასენსიო შევუშვი, რისკი არ მსურდა.“

„ჯუდ ბელინგემს კუნთის გადატვირთვა აქვს, მომდევნო დღეებში ინგლისელთან ბევრს ვიმუშავებთ.“

„ჩხუბი, რომელიც მატჩის მიწურულს განვითარდა, მისასალმებელი არ არის. ეს ყოველთვის აუფასურებს ფეხბურთს.“

„არ ვიცი, რა მოხდება „ელ კლასიკოში“, თუმცა ყველა ვარიანტში ძალიან მაღალი დონის ბრძოლას ველი. ჩვენ 0-4 წავაგეთ და ახლა ვალდებულები ვართ, გავიმარჯვოთ და ესპანეთის სუპერთასი კიდევ ერთხელ აღვმართოთ, ამისთვის ყველაფერს ვიღონებთ. თუ „ბარსას“ დავამარცხებთ, ყველა ფეხბურთელის მადლიერი ვიქნები.“

„ლაპორტას ქმედებების შეფასება ჩემი საქმე არ არის.“

„მე არ ვაპირებ საჯაროდ ისეთი საკითხების განხილვას, რაც არ შედის „რეალის“ მწვრთნელის კომპეტენციაში.“